公共图书馆逾期还书 罚款拖足12年 大头虾港妈甘心被罚呢个银码

在公共图书馆借书逾期未还，往往都是无心之失。港妈早前在社交平台以「公共图书馆逾期图书12年先还钱。今次真系赢咗99%香港人」为题发帖，上载还款单据。讲述自己罚款拖足12年未还的大头虾经验；同时自爆因为一个理由，心甘情愿被罚呢个数目。
根据「香港公共图书馆」网站，逾期归还图书馆资料，每项成人图书馆资料及资料附件每天1.5元，最高罚款额130元。
从楼主上载的单据见到，过期罚款的金额为99元。据楼主自己解释，「点解系$99，唔系$130？系因为当年见到有本书喺屋企无还，就求其放落去图书馆还书箱。12年後借唔到书先还钱，大家唔好学」。
网民对楼主的情况大感好奇，指「12年先$99，真心平喎」、「呢12年可唔可以出入境？」，楼主轻松回应指：「又无事喎，可以去旅行」。
另有人查问「点解仲搵到（本书）」，楼主指：12年前还咗书但无俾罚款 」。
鉴於楼主用了「今次真系赢咗99%香港人」的潮语，引出了属馀下1%的网民发言，分享同类经验：
•我系嗰1%。上两个月终於还咗，22年……无记错封顶价系$130。  
•我细个大约3-4岁借咗本书，到依家30几岁都未还。
•我阿叔，巿政局年代借咗书冇还，而家都唔敢入公共图书馆。
•我都有本韩文书应该13-15岁时借，而家29岁都未还，唔知罚几钱。
•我试过搵唔返本书报失咗，过咗几年搬屋搵返，依家本身都仲keep（保留）系屋企。
对於获赞「有借有还大丈夫」，楼主坦言：唔可以俾个女学呀妈啲衰嘢罗」。