辛偉誠成為英國史上首位非白人首相　與妻子比英王更有錢

英國前財相辛偉誠勝出保守黨內選舉，今日覲見英王查理斯三世後，將正式履行職務，佢係英國史上首名非白人、最有錢嘅首相，今年只有42歲，亦係200多年來最年輕嘅首相。

英國有媒體估計，辛偉誠夫婦嘅身家有65億港元，比英王更有錢，辛偉誠祖父母黎自印度，佢喺英國南安普敦出生，英國牛津大學畢業，史丹福大學取得MBA之後，曾經成為高盛嘅分析師以及對沖基金合夥人，2015年投身政界，以後扶搖直上，2020年出任財政大臣。

辛偉誠嘅老婆係印度第二大科技公司印孚瑟斯創辦人嘅女，同樣黎自豪門世家，所以二人嘅背景可以話係相當厲害。