辛伟诚成为英国史上首位非白人首相　与妻子比英王更有钱

英国前财相辛伟诚胜出保守党内选举，今日觐见英王查理斯三世後，将正式履行职务，佢系英国史上首名非白人、最有钱嘅首相，今年只有42岁，亦系200多年来最年轻嘅首相。

英国有媒体估计，辛伟诚夫妇嘅身家有65亿港元，比英王更有钱，辛伟诚祖父母黎自印度，佢喺英国南安普敦出生，英国牛津大学毕业，史丹福大学取得MBA之後，曾经成为高盛嘅分析师以及对冲基金合夥人，2015年投身政界，以後扶摇直上，2020年出任财政大臣。

辛伟诚嘅老婆系印度第二大科技公司印孚瑟斯创办人嘅女，同样黎自豪门世家，所以二人嘅背景可以话系相当厉害。