英女王伊利沙白二世離世 終年96歲 一生致力維護英國王室形象

英女王伊利沙白二世今日凌晨離世，終年96歲。伊利沙白二世係英國史上在位最長、亦係最長壽嘅君主，佢在位期間，見證英國喺國際上嘅影響力大減，但佢以身作側，多年一直樹立良好形象，維護咗英國王室喺民眾心目中嘅地位。

伊利沙白二世1926年出生，1952年其父佐治六世離世，伊利沙白隨即繼位，當時伊利沙白正喺肯雅訪問，並喺樹屋渡過一晚，因此亦被笑稱「上樹前喺公主，下樹就成為女王」。

1947年，伊利沙白與當時喺希臘嘅菲利浦王子成婚，菲利浦本身亦有希臘及丹麥王室嘅繼承權，二人膝下有三子一女，包括現時繼位嘅查理斯三世。

伊利沙白二世在位期間，英國喺國際上影響力大減，大量殖民地宣布獨立，但伊利沙白二世仍然緊守元首職責，亦重視個人形象，有一本講述英國王室嘅小說曾描述，伊利沙白二世相當保守，她唔鐘意退位嘅叔叔愛德華八世，亦唔同意妹妹瑪嘉烈公主下嫁一位曾離婚嘅軍官（當時英國國會都反對）。亦都係佢嘅個人堅守，即使英國影響力下降，都可以盡力維護王室形象及職責。

不過，伊利沙白二世嘅身邊人都指，佢喺外交場合一絲不拘，重視禮節，但私下就喜歡開玩笑，亦平易近人。

英國廣播公司曾多次進行民意調查，伊利沙白二世嘅支持度都喺8成以上，2008年一次調查，有8成受訪者認為，30年內英國都應繼續實行君主制。