英女王伊利沙白二世离世 终年96岁 一生致力维护英国王室形象

英女王伊利沙白二世今日凌晨离世，终年96岁。伊利沙白二世系英国史上在位最长、亦系最长寿嘅君主，佢在位期间，见证英国喺国际上嘅影响力大减，但佢以身作侧，多年一直树立良好形象，维护咗英国王室喺民众心目中嘅地位。

伊利沙白二世1926年出生，1952年其父佐治六世离世，伊利沙白随即继位，当时伊利沙白正喺肯雅访问，并喺树屋渡过一晚，因此亦被笑称「上树前喺公主，下树就成为女王」。

1947年，伊利沙白与当时喺希腊嘅菲利浦王子成婚，菲利浦本身亦有希腊及丹麦王室嘅继承权，二人膝下有三子一女，包括现时继位嘅查理斯三世。

伊利沙白二世在位期间，英国喺国际上影响力大减，大量殖民地宣布独立，但伊利沙白二世仍然紧守元首职责，亦重视个人形象，有一本讲述英国王室嘅小说曾描述，伊利沙白二世相当保守，她唔钟意退位嘅叔叔爱德华八世，亦唔同意妹妹玛嘉烈公主下嫁一位曾离婚嘅军官（当时英国国会都反对）。亦都系佢嘅个人坚守，即使英国影响力下降，都可以尽力维护王室形象及职责。

不过，伊利沙白二世嘅身边人都指，佢喺外交场合一丝不拘，重视礼节，但私下就喜欢开玩笑，亦平易近人。

英国广播公司曾多次进行民意调查，伊利沙白二世嘅支持度都喺8成以上，2008年一次调查，有8成受访者认为，30年内英国都应继续实行君主制。