聯合國報告：香港生育率全球最低

2023年04月21日 15:31 赞好

聯合國人口基金最新公布，香港生育率全球最低，平均每名女性只係生育0.8個小朋友。香港生育率已經下跌近三十年，每年都創下新低。

聯合國人口基金話，全球有三份之二嘅人生活喺生育率低嘅國家或地區，香港更加係全球最低，根據政府資料，香港過去三十年生育率一直下跌，1991年每一千名女性生育1281名嬰兒，但到了2021年只有772名。

經常同香港比較嘅新加坡亦受到低生育率困擾，當地政府早前增加新生子女補貼，每名至少有1萬1千坡紙，大概係6萬五千港幣，而香港政府早前只係將子女免稅額增加至13萬。