習近平訪俄晤普京 稱主張勸和促談俄烏戰爭

2023年03月21日 12:15 赞好

國家主席習近平對俄羅斯展開國事訪問，並同俄羅斯總統普京會面。習近平喺會面之中強調，烏克蘭問題上，大多數國家都支持緩和緊張局勢，主張勸和促談，反對火上澆油，而普京就讚賞中方喺重大國際問題上一貫秉持公正、客觀、平衡立場。

習近平話，中方呼籲政治解決烏克蘭危機，反對冷戰思維，反對單邊制裁，中方認為，越係困難重重，越要為和平留下空間；越係矛盾尖銳，越唔能夠放棄對話努力。

兩國元首今日會再會談，規劃未來一個時期中俄全面戰略協作夥伴關係新藍圖。