北角無人商店告別 偷竊率大增難以經營

2023年03月20日 15:18 赞好

有人喺港島區開設多間無人商店，鋪頭冇店員，只係設有收款箱，客人拎咗貨品之後再自己俾錢到收款箱，店鋪負責人近月已經反映偷竊問題嚴重，近日更加話偷竊率大增3成，無可奈何之下唯有結業。

無人商店講求自律，但依種概念喺現今香港社會睇黎仍未能成功，商店創辦人阿Joe話，3年前開設無人商店，一直都有偷竊問題，或者有客人俾唔足錢，但仍然能生存，不過近日偷竊率大增，所以被迫只能結業。

有網民就大感可惜，因為商店賣嘅野好抵，更話睇到有人一次過拎走10幾枝水，亦有老人家一箱飲品直接拎走，形容係人性本惡。