內地城市持續封控 胡鍚進批超過10天不科學

2022年11月02日 12:30 赞好

內地近日疫情持續，有城市持續封控長達幾個月，前《環球時報》總編輯胡鍚進近日就話，有居民社區實行多過10天嘅靜默管理，係唔科學亦無法律依據。

胡鍚進話，封控兩星期嘅人員，病毒量一定比入境者少，但入境者只要7+3就完全自由，但有啲檢測陰性嘅居民就長時間行動受限，有咩地方唔啱係顯而易見。

佢又批評，將大量陰性市民封控喺社區入面，係唔科學，亦無法律依據。

而正爆發疫情嘅鄭州富士康廠區，河南省省長王凱已經去到指導防控工作，佢視察園區後，要求部門迅速行動，組建工作專班，保持高效運轉及人員物資閉環管理。