康泰旅行社稱最低成本營運至通關 惹結業疑雲
2022年10月27日 12:21
香港歷史悠久嘅旅行社康泰，琴日被傳分店閂門，公司將會清盤，康泰之後澄清，過去兩年如走入睇唔到盡頭嘅黑暗隧道，宜家係要保留實力，用最低成本營運，直至通關。
文化體育及旅遊局長楊潤雄話，正喺度了解事件，知道旅遊界受疫情打擊，政府援助只係支援性質，當局有措施推動本地遊，希望業界可以維持運作。
而旅遊界立法會議員姚柏良就話，入境檢疫0+3對觀光客吸引唔大，普遍業界唔能夠走出困局，即使放寬至0+0，業界都需要時間恢復，期望政府考慮以團出團進嘅方式，等黃碼嘅入境旅客可以喺獨立餐飲處所用膳，以及喺領隊帶領下，進入主題樂園及博物館，為業界帶來希望。
