維珍航空宣布停飛香港路線 專家稱對香港營商無信心

香港正慢慢撤銷入境檢疫措施之際，喺香港經營近30年嘅維珍航空宣布，明年3月起停飛香港來往英國嘅航線，並會關閉在港辦公室，已預訂明年3月之後機票嘅乘客，可申請改程或退錢。

維珍表示，由於俄羅斯領空持續關閉，讓營運環境複雜性顯著增加，導致未能按計劃喺明年3月恢復航班，相關嘅航班由2021年12月已暫停。

中大航空政策研究中心高級顧問羅祥國表示，對比全球，香港嘅復常速度較慢，航空公司將資源調往有生意做嘅地方，反映航空公司對在港經營無信心，如日後更多旅客來港，公司先可能考慮重設航線。