政府再派5000元消费券 继续宽减薪俸税及差饷

财政司司长陈茂波今日宣读新一份财政预算案，佢宣布，会再向每名合资格人士发放两期5000蚊消费券。佢话，过去派发消费券嘅计划有正面反应，而第一期会喺4月先发放3000蚊，馀额会喺年中发放，另外，透过唔同入境计划留港居住以及留学嘅人士，都可以获发一半额度，即2500元蚊嘅消费券。

另外，陈茂波又宣布其他减税措施，包括宽减薪俸税同埋个人入息课税，上限6000蚊；宽减2023/24年首两季差饷，每户每季上限1000蚊。

而公共交通费用补贴计划会延期至今年10月，为市民每月超出200蚊嘅实际公共交通开支提供三分之一嘅补贴，以每月五百蚊为上限。