内地城市持续封控 胡鍚进批超过10天不科学

2022年11月02日 12:30 赞好

内地近日疫情持续，有城市持续封控长达几个月，前《环球时报》总编辑胡鍚进近日就话，有居民社区实行多过10天嘅静默管理，系唔科学亦无法律依据。

胡鍚进话，封控两星期嘅人员，病毒量一定比入境者少，但入境者只要7+3就完全自由，但有啲检测阴性嘅居民就长时间行动受限，有咩地方唔啱系显而易见。

佢又批评，将大量阴性市民封控喺社区入面，系唔科学，亦无法律依据。

而正爆发疫情嘅郑州富士康厂区，河南省省长王凯已经去到指导防控工作，佢视察园区後，要求部门迅速行动，组建工作专班，保持高效运转及人员物资闭环管理。