政府废除被捕医生免针纸　议员批专横「坏了法治」

2022年10月05日 12:41 赞好

早前有7名私家诊所医生涉滥发免针纸被捕，政府随後宣布取消7名被捕医生发出嘅两万几张免针纸。立法会议员江玉欢日前喺Facebook批评当局做法专横，偏离法律目的。

江玉欢话，用「合理怀疑」作为理由，就废除两万多张证明书，质疑政府无权力咁做，佢又表示，如果法律系咁儿戏，就不必经过繁复立法程序，佢话，卢宠茂嘅决定令法律界哗然，作为律师及有份审核599L章嘅议员，容不下呢种专横手法。佢又认为，法治系一国两制重要一环，反问现时边个坏咗法治。

政府回应，唔承认免针纸系疫苗通行证下嘅安排，并非直接废除证明书，但江玉欢就话，咁只系「语言伪术」，唔承认同埋废除无分别，政府唔能够简单以合理怀疑就废除两万几张免针纸。