有人疑食「鸡泡鱼乾」中毒 食店澄清由杂鱼肉合成

早前卫生防护中心公布，有一名男子疑喺尖沙咀一间烧烤食店进食河豚鱼乾後中毒，其後该食店澄清，所谓河豚鱼乾，俗称为「鸡泡鱼乾」，实际上系用杂鱼肉合成晒乾，因此食店已将菜式改名为「味醂鱼乾」。

当局早前公布，一名22岁男子疑进食河豚鱼乾後，出现嘴边及四肢麻痹和刺痛、心悸同埋虚弱。该男子有喺Facebok回应，称自己当天并唔确定系咪因为食物而唔舒服，只系喺当局不断查问下，大概说明情况，对影响到餐厅感到唔好意思。

烧烤食店亦澄清，食环署已派人调查，又指鱼乾唔系由河豚制成，故客人可以放心食用。河豚本身带有毒素，分布喺身体唔同部位，一般而言如果要食用，厨师需要处理得非常小心。